Masaya kong inihain isa-isa ang mga pagkaing iniluto ko para sa’min ni Gascon. Ito ang unang beses na makakasalo ko siya sa pagkain na ako mismo ang nagluto para sa kan’ya. Nang matapos na ako ay naligo muna ako at nagbihis ng magandang damit. Pinagmasdan ko ang sarili ko sa salamin at malapad akong ngumiti nang makita ko ang kabuuan ko.
Nagtungo na ako sa kusina at tiningnan ko ang relo kong pambisig, alas nueve na pero hindi pa rin umuuwi si Gascon. Sinubukan ko naman siyang tawagan pero hindi niya sinasagot ang tawag ko. Napabuntong hininga na lang ako dahil baka abala pa ito sa kaniyang trabaho kaya naupo muna ako sa hapag kainan at hintayin na lang siyang dumating.
Hindi ko namalayang nakatulog na pala ako sa lamesa at napabalikwas lang ako nang maalimpungatan ako. Muli kong tiningn
