MATAPOS ngang tulungan ni Saber si Sandra mula kay Elder Zordik ay makikita ang pagbabago sa ekspresyon ng dalaga. Si Flare naman nang oras na iyon ay makikitang nagliliyab ang katawan habang nagdidilim ang paningin dahil tila tumatak sa kanya ang mga sinabi ng bulag na iyon kanina.
“Tama ang bulag na iyon… Wala na ako sa Faladis… At ngayon, may nakakasalamuha na akong mga indibidwal, hindi dahil sa anak ako ng isang Eternity,” mahina niyang winika at makikita nga ang mas lalong paglaki ng kanyang apoy sa katawan na sinabayan din ng paglabas ng malakas niyang enerhiya.
Si Elder Zordik naman nang oras na iyon ay bumangon na duguan ang mukha. Napatingin nga kaagad siya para hanapin kung sino ang gumawa noon sa kanya, kaso, mukhang wala na ito, na lalo niyang ikinainis. Napatingin pa nga si
