KINAGABIHAN sa mansyon ni Lior ay pinatawag na nga niya ang mga Elders at ang mga Elites na nasa dimensyon nila. Isang mahalagang pagpupulong ang isasagawa nila at napaka-importante nito para sa panginoon nila.
Makikita nga sa mahabang mesa ang kaba sa mukha ng mga Elites na kulang nga rin ng dalawa miyembro. Sa kabila naman nila ay ang mga Elders na napakabigat ng dating para sa kanila. Wala ngang anumang salita ang lumalabas sa kanilang bibig dahil sa kabang kanilang nararamdaman.
Si Landro nga nang oras na iyon ay makikitang may benda pa ang mukha. Napalunok na nga lang ng laway ang mga kabataang naroon nang makitang nakatingin ito sa kanila. Makikita kasi ang pagkuyom ng kamao sa Elder na ito na hindi pa rin nawawala sa isip ang pagtalo sa kanya ni Saber sa pamamagitan ng isang sunto
