KINABUKASAN, maagang umalis sina Ka Manuel at ang mga taong nagmamay-ari ng medalyon upang pumunta sa Calapan para makausap si Mayor. Pagdating nga ng kanilang sasakyan sa boundary ng dalawang bayan ay naroon na kaagad ang checkpoint na kung saan ay may nakita silang mga banyagang sundalo. Ang isa nga ay lumapit sa kanila at may tinutok na kung anong gadget na umiilaw.
Umiling ang kanong sundalo at pinalampas na ng mga pulis ang sasakyan ng mga ito.
“Tama pala ang sinabi mo Father kahapon tungkol sa gadget na iyon… Mukhang kailangan nang maging maingat ng mga mutants na walang dala na kwintas na tulad ng suot ninyo,” wika na nga lang ni Ginang Emilia na siyang nagmamaneho ng sasakyan.
“Nakagawa kaagad sila ng ganoong bagay? Masyado yatang mga magagaling ang mga imbentor na banyagang nap
