NAPUNTA NGA sina Saber at Sandra sa isang kweba na matatagpuan sa gilid ng kabuuan ng malaking lupain ng mga diwata na tila nga walang pumupunta kung titingnan. Base naman kay Datu Puti ay isa itong ligtas na lugar para sa kanilang dalawa kung gusto nilang magtago mula sa mga diwata.
Nayayanig na nang bahagya ang nilalakaran ng dalawa nang tila may mga malalaking hakbang na marinig si Saber na parating ngayon sa kanila. Sinubukan niyang ilawan ang mas malayong dulo ng lugar na dinaanan nila, kaso, wala naman siyang nakita mula roon. Napalingon pa nga si Sandra sa likuran nila para tingnan ang kanilang pinasukan, kaso, wala na rin iyon.
“T-teka, nasaan na ang pinasukan nating butas kanina?” bulalas ng dalaga na napadikit bigla sa binata kahit pa hindi niya ito maalala.
Lumingon din nga s
