“SANDRA! Nasaan ka?” nasabi na nga lang ni Saber sa kanyang isip. Umaasa na lang siyang maririnig ito ng dalaga. Ilang segundo ang lumipas at naisip niyang imposible raw yata iyon.
“Susuko ka na ba Saber? Kaso, ano naman ang gagawin ko? Parang ang hina ko sa dimensyong ito. Naging walang kwenta kaagad ang kapangyarihan ko,” nasabi pa nga niya nang mahina matapos mapabuntong-hininga.
“Sino ka?”
“B-boses ni Sandra! Narinig niya ako!” mahinang nawika ni Saber na awtomatikong nagbigay kaagad sa kanya ng pag-asa. Pinilit nga niyang umupo at sumandal sa dingding ng kanyang kulungan. Hindi nga niya maiwasang matuwa dahil gumana ang telepathy niya sa dalaga.
“Si Saber ito! Nasaan ka! Nahuli ako ng mga diwata…”
“Hindi kita kilala… Sino ka ba? Paano tayo nagkakausap? Totoo ka ba?” Napaseryoso t
