BUMALIK na nga sina Saber, kasama ng sampung tao na nagmamay-ari ng medalyon sa dimensyon ng mga tao. Inihatid sila ni Father Arnel na babalik din daw kaagad sa kabila. Aayusin daw muna nila ang mga bagong kaganapan sa lahi nila dahil wala na si Lior. Naging maayos naman ang paalamanan nila at sinabing maghahanda na rin sila ng hukbo para sa sunod na labang mangyayari. Sa ngayon nga ay nais nina Mang Kaloy na magpahinga muna pansamantala pagbalik sa dimensyon ng mga tao. Pero ito ay depende pa rin sa magiging sitwasyon nila roon.
Paglitaw nga nila sa mundo ng mga tao ay nakaramdam si Saber ng mga presensya sa Calapan, at batid niyang mga superhumans ito. Hindi naman ito ganoon karami ang bilang, pero parang malaya raw silang gumagala sa lungsod. Pinakiramdaman din niya ang mga tao na naki
