EHRAN
Naalerto kaming lahat nang biglang dumating sa bahay ang isang Oogster na nakalaban namin noon sa Greenwood University--si Quinn.
"May pinaparating sa inyo si Baltazar. Kung gusto n'yo raw makuha ang itinakda, makipagkita kayo sa'min. Dalhin n'yo ang libro ng pinakamatandang Paranormal Expert." Pagkatapos na sabihin sa amin ni Quinn ang lugar na pagtatagpuan namin at kung kailan, kaagad siyang naging usok at sumabay sa hangin.
"Sa eksaktong super moon gustong makipagkita ni Baltazar," wika ni Father Florencio. "Tamang-tama. Lalabas ang kapangyarihan mo, anak."
"And the good thing is, walang kaalam-alam ang kampon nila sa mangyayari," sabat naman ni Zephyr. "Kampante sila na si Rhian pa rin ang itinakda."
Makikita sa mukha ng mga kasa
