LA PEGRESE (Tirahan ng mga Oogster na nasa ilalim ng lupa)
HINN
"May dala ba kayong magandang balita?" Mula sa kinauupuan ko na napapaligiran ng apoy, nakita ko ang pagdating ng aking mga kasamahang Oogster na mas mababa ang ranggo kaysa sa akin. Sila ang nga inutusan ko para puntahan ang mga lugar na puwedeng kinaroroonan ng itinakda. "Ano ang nangyari sa pinapalakad ko sa inyo?"
"Lahat ng lugar na sinabi mo, Hinn, ay pinuntahan na namin. Pero wala roon ang itinakda," sagot ng isa sa kanila na si Merihem, na pumasok sa isip ko. "Mukhang tama ang sinabi sa'yo ni Concilio Kroni na nasa ibang panahon siya. Marahil ay doon siya itinago ng mga anghel."
Mula sa kinaroroonan ay sumabay sa hangin ang maitim na usok ko at lumapit sa mga kasamahan kong bagong dating. Inaamoy-amoy ko sila. Sa a
