"Noong pinaimbestigahan mo sa'kin si Lala, alam ko nang may nangyaring koneksiyon sa kanila ni Ethan. Pero hindi ko na sinabi sa'yo dahil siguradong makakadagdag pa sa problemang kinakaharap mo noon," paliwanag ni Brylle nang matanong niya rito ang tungkol sa nakaraan.
Wala naman na iyon kay Zoe. Hindi nga niya maintindihan kung bakit bigla na lang iyong sumagi sa isip niya. Siguro dahil naiwan iyon sa kaniyang isipan na hindi pa nasasagot. Ilang beses na niya kasi noon sinubukan na tanungin si Brylle pero nakakalimutan na niya.
"Bakit? Magagalit ka sa'kin?" anang pinsan ni Ethan sa pabirong tinig.
"Out of nowhere lang 'yon." She shrugged. "Or baka nga ayaw ko lang talagang matulog na may gumugulo sa isipan ko. Salamat at naging maliwanag na rin ang lahat-lahat sa'kin."
"Pasensiya ka
