"Dianne, faster! Nathaniel is waiting for you!"
Napabuntong-hininga ang dalaga at sandaling napatigil sa pagsusuklay ng kaniyang buhok nang marinig ang malakas na sigaw ng Mommy Candice niya mula sa labas ng kuwarto niya. Bahagyang nakabukas ang pintuan kaya nagkakarinigan silang dalawa.
"I'm coming, Mom!" ganting sigaw ni Dianne kahit taliwas niyon ang gusto niyang gawin. Dahil kung siya ang pagpipiliin, mas gusto pa niya ang matulog kaysa ang makausap ang binanggit nitong 'Nathaniel'. She was so tired of pretending in front of that man.
Si Nathaniel ay panganay na anak ng kaniyang Ninang Zoe sa Pilipinas, na best friend ng kaniyang ina. Noong dalaga pa man daw ang dalawa, may usapan na raw ang mga ito na ipagkasundo ang mga anak balang araw kapag nagkataon na babae at lalaki.
At da
