NAKATITIG lang kay Lumen, ang mga magulang ng makita siya. Ang ama ay nangingilid ang luha at ang ina ay umiiling.
“Imposibleng ikaw ang anak namin, baka impostor ka?” ani ng mama niya.
“Ma, ako talaga ito, at kung hindi ka pa rin naniniwala pwede naman ang paternity test. Kagaya ng sinabi ko sa inyo ni papa, kaibigan ni Tita Armedah, ang tumulong sa akin. Kundi nila ako iniligtas at iniba ang aking mukha sa pamamagitan ng injections. Baka tuluyan na po ninyo akong hindi nakita.” ani Lumen, umiiyak na rin siya. Hindi ba nararamdaman ng kanyang ina na karugtong siya ng buhay nito?
“Princess Lumina, ikaw ba talaga yan anak?” tanong ng kanyang ama. Habang humahakbang patungo sa tinatayuan niya. Agad niya itong sinalubong at yumakap na siya dito.
“Opo, papa ako ito, ang prinsesa nyo ni Mam
