ANONG kaya ang problema ni Reegie, bakit ilang araw na itong naglalasing. At kahit paano naging malapit na ito sa kanila.
“Puntahan mo nga ang lalaking yon.” utos niya sa asawa na si Samuel Draco.
“Kapag lumapit ako sa kanya sigurado painumin ako non ng alak.”
“Okay lang basta huwag marami, ang mahalaga may makausap siya. Kawawa naman sigurado si Alexa Chariz, ang dahilan.”
“Okay, sige, dito ka muna, Kuting ko.”
“Go! Dito lang ako.” naririto sila sa bar, meron party sa ikalawang palapag. Kaarawan ng pinsan niyang si Harold. At itong si Reegie, bigla niyang nakita.
Sinubukan tawagan si Alexa Chariz, pero hindi niya ito magawang kontakin. Kaya tinawag niya ang asawa upang masamahan ang binata. Alam ng lahat na ito ang magiging asawa ng pinsang si Alexa Chariz. Kaya hindi pwedeng pabaya
