ISANG araw bago ang hearing, sinundo sila ng dalawang kapatid ni Arah. Sa mansion ng mga magulang sila tumuloy. Pagdating nila doon ay naroon si Atty. Bliss, kasama ang asawa nito na si MA.
“Gusto nyo ba magpahinga muna kayo at mamaya na ko na i-discuss ang mga dapat ninyong gawin bukas loob ng korte?”
“Hindi naman kami pagod, Atty. Bliss, kaya ngayon na at makikinig kami.”
“Okay, nasa akin lahat ang solid evidence na kailangan natin. Kaya wala na kayong dapat ipag-alala. Ngayon kaya nais kitang makausap, Princess Araminah, hindi lingid sa lahat na dati kayong magkarelasyon ni Mr. Arjay Arcella. So, baka pag naroon na tayo at nakita mo ang sitwasyon niya ay biglang magbago ang isip mo.”
“Walang mababago sa desisyon ko, Atty. Bliss.”
“Paano kung pagkatapos ng pag-uusap natin ay makius
