Hindi malaman ni Danica kung maiinis o matatawa ba siya sa inaakto ni Christian sa mga nakalipas na araw. Panay ang pagsunod nito sa kanya na parang isang maamong tuta habang patuloy na nagpapaliwanag sa kanya pag nagkakaron ito ng pagkakataong makapagsalita. At sa ilang araw na lumipas ay halos naikwento na nito sa kanya ang naging buhay ng kabataan nito lalo na ang naging karanasan nito sa usapang sekswal.
Ang totoo niyan ay kahit naman hindi na ito magpaliwanag sa kanya sa naging past nito. Wala naman siyang problema doon dahil para sa kanya is normal lang iyon sa mga single na lalaki, ang humanap ng palay na matutuka. At isa pa hindi pa naman sila nagkakakilala noon ni Christian at base sa kwento nito ay hindi rin naman ito matatawag na minsang naging fuckboy o kahit playboy man lang.
