Reve’s POV
“Wala ka talagang awa, ano? Wala ka na talagang ibang iniisip kung hindi ang mga kalokohan mo! Hindi mo ba alam na pinagtitiyagaan ko iyon ng mahigit isang oras tapos bigla mo na lang papatayin ang monitor nang hindi ko pa nasave ang file? Hindi porke’t boss kita o kahit na ano man ang posisyon mo sa kompanya mo ay magagawa at magagawa mo na ang lahat ng gusto mo!” binabalot ng matinding inis ang aking boses. Mula sa kaniyang mga mata ay bumaling akong muli sa monitor. “Paano na ‘to? Babalik na naman ako sa simula neto,” mahina ang aking boses at alam kong rinig na rinig mula mismo sa aking boses ang tunog ng panghihinayang.
Talagang nakapanghihinayang. Matiyaga ko iyong ginawa at mahigit isang oras din. Nanakit ang batok ko at mga mata tapos dahil lang sa kalokohan niya ay ma
