Austeja
Hindi ko magawang sabihin sa nanay ko ang tungkol kay Papa at Althea. Noong madaling araw kasi ay nakatanggap ako ng mensahe mula sa numero ng kapatid ko.
At ang laman ng text na iyon ay isang pagbabanta. Na kapag ipinaalam ko raw kay Mama o sa mga Archeron ang tungkol sa kung nasaan ang kapatid ko, may mangyayari sa kanya na paniguradong hindi ko magugustuhan.
Kaya wala akong ibang mapagpipilian kundi sarilinin na lang ang tungkol doon.
Hindi na nga ako nakatulog pa nang maayos dahil sa pag-iisip kung papaano ko mababawi ang kapatid ko mula sa kamay ng ama ko, na hindi ako ang nagiging kapalit. Ayoko nang bumalik doon sa kanya.
Pero kung wala talagang ibang paraan, handa akong umuwi roon. Subalit hindi rin ako sigurado kung ano ang kahihinatnan ko lalo na't may bata na sa sin
