Austeja
We are supposed to go to Seville City on Tita Elizabeth's exact birthday. The plan was to go straight to the venue of the party. Iyon ang naging usapan. Iyon ang naging plano. Iyon din ang sinabi ni Mama kay Hannah noong sabado.
Subalit hindi ko alam kung bakit bigla na lamang nagbago ang isipan ng nanay ko kagabi. Gusto na niya kaagad na magtungo roon, kaya heto kami ngayon at nagba-byahe na patungo sa Seville City—at didiretso sa mismong mansiyon ng mga Archeron. Hinintay lang naming matapos ang klase ng kambal at ang klase ni Thea bago umalis ng bahay.
Muntik pa kaming magtalo ni Mama kagabi sa biglaan niyang naging desisyon. Hindi na niya ikinonsulta pa sa akin ang tungkol doon. Pag-uwi ko galing sa trabaho kagabi, iyon na kaagad ang isinalubong niya sa akin. Alam naman niya
