Chapter 98
Austeja
Pinagsabihan ako ng nanay ko dahil sa inakto at mga sinabi ko noong kaharap namin sina Zigger. Tama nga naman siya; nakakahiya. Alam ko naman iyon.
Mas mukha pa kong iniwan kaysa sa lalaking tinaguan ko. Sa mga mata siguro ni Mama, para na akong desperada na hindi matanggap na normal na lang ang pakikitungo sa akin ni Zigger. Wala nang bahid ng kung ano.
Alam ko namang alam ni Mama na minahal ko si Zigger. Inamin ko iyon sa kanya noong buntis pa lamang ako. Inamin ko ang lahat sa kanya tungkol sa aming dalawa. Hindi naman kasalanan ni Zigger ang lahat. Wala naman siyang mahihita sa akin kung hindi rin ako pumayag noon.
Ngayon ay masyado akong nagpadala sa mga tumatakbo sa utak ko—na hindi ko na inalala pa kung ano ang sasabihin nila o iisipin. Masyado rin akong nagp
