Austeja
Peke kong nginitian ang isang guest nang ilagay ko sa harapan niya ang order niyang isang basong whiskey.
I couldn't smile properly.
Simula kaninang sunduin ako ni Zigger sa university, pakiramdam ko ay mayroon nang hindi tama. At mas naramdaman ko pa iyon noong nasa penthouse na niya kami.
May kutob ako na pinagdududahan niya ako sa isang bagay na hindi ko matukoy. Puwedeng tungkol sa mga sulat na natatanggap ko—natanggap ko. Nagtatanong pa rin kasi siya tungkol sa mga iyon kahit na ilang beses ko nang sinabi na tumigil na iyong nagbibigay sa akin.
Ilang linggo na akong walang natatanggap mula sa kung sino subalit ramdam ko na iniisip niyang nagsisinungaling ako.
Hindi man makikita sa ekspresiyon ng mukha niya pero ramdam ko sa mga kilos niya iyon.
Bago ako bumaba sa locker
