Kibagabihan nagtungo muna sila sa bahay ng mga magulang ni Matteo para sabay-sabay na silang magtungo sa bahay ng Daddy niya. Ngayon na kasi magaganap ang pamamanhikan na pinaka hinihintay niya. Hihingin ni Matteo ang basbas ng Daddy niya para maikasal sila nito muli.
Pagdating sa malaking bahay ng Daddy niya, ang ama at si Olga ang sumalubong sa kanila sa may pintuan. Agad silang binati ng Daddy niya at nakipag beso-beso naman si Olga sa kanya at sa Mama ni Matteo. Saka na sila niyaya ng mga ito sa may komedor.
Hawak kamay pa nga sila ni Matteo na lumakad. Habang ang Daddy naman niya ay kasabay ang Papa ni Matteo. At ang Mama naman ni Matteo kasabay nito si Olga habang nag-uusap pa na parang close talaga ang mga ito. Kung sa bagay matagal na rin namang magkaibigan ang dalawang pamilya,
