Batang lalake ang isinilang niya at pinangalanan nila ni Matteo ng Matteo Austin Leonardo. Sunod sa kanilang mga pangalan.
"Ang gwapo-gwapo mo naman Austin," bulong niya sa anak na bagong silang habang titig na titig sa anak na kamukhang-kamukha ni Matteo. Sa sobrang pagmamahal yata niya kay Matteo kaya kamukhang-kamukha nito ang naging anak nila. Halos wala man nakuha sa kanya ang bata. Leonardo talaga ang dating nito.
"Syempre mana sa akin iyan," singit bigla ni Matteo na palapit na pala sa kinauupuan niya. Nasa hardin kasi siya at pinapaarawan ang anak.
"Sa susunod na magbubuntis ako hindi kita titignan," natatawang saad niya sa asawa na may dalang healthy breakfast para sa kanila.
"Kailan mo ba balak sundan si baby Austin?" Tanong ng asawa sa kanya.
"Matteo!" Hiyaw niya sa asawa.
