Sa sobrang dami ng nainom ni Ergie ay para na itong nababaliw.
Misan ay kumakanta siya kahit na sintonado. Pinagtitinginan na rin kami ng mga taong malapit lang sa aming gawi.
Wala na rin sa hanay ang kaniyang mga hakbang at kahit ano'ng pilit kong pigilan siya ay napakatigas talaga ng ulo niya.
Kani-kanina lang ay napakasaya niya ngunit ngayon ay bigla na lang umiiyak nang malakas.
"Ang sama-sama talaga ni Daddy sa akin, Dawn. Ayaw niya akong mamili sa gusto kong buhay," umiiyak niyang reklamo at nakakaawa nga siyang tingnan.
Matagal na kaming magkaibigang dalawa ngunit kahit minsan ay hindi ko siya nakitang ganito ka miserable.
Hinawakan ko siya sa balikat at pinatahan ngunit mas lalo lang siyang umiyak.
"Gusto ko nang makita si Taniel," umiiyak niyang wika. "Miss na miss k
