CHAPTER 47
HINDI MAKUHANG UMUPO ni Clint habang dinudutdot pa rin ang screen ng cellphone. Nakailan na siya ng mensahe at tawag sa numero ng asawa pero hindi man lang ito sumagot. Sobra na siyang nag-aalala.
Habang si Seth ay seryoso ang anyong pinapanood ang kaibigan. Hindi rin maganda ang mood niya ngayon dahil sa pag-alis ni Courtney nang di nagpapaalam.
“ Tingin mo magkasama sila ni Courtney? ” pagkuwa'y tanong ni Clint sa kaibigang nakatiim-bagang.
“ You worry too much, Clint. Pero sigurado akong magkasama ang dalawa. Hindi ka pa nasanay na kapag may problema ang isa sa kanila, makakalimutan na nilang may uuwian silang asawa. ”
Kunot-noong tinitigan ni Clint ang mukha ni Seth. Asawa? Gusto niyang matawa. Kailan pa nag-sink in sa utak ng kaibigan ang salitang asawa. Saka kailan pa
