"Kumusta ang kalagayan ng Kuya Garrette mo?" agad na tanong ni Marga sa bunsong anak.
"Stable na po ang kalagayan niya ngunit walang kasiguraduhan kung kailan gigising, Mommy," tugon ni Shainar.
"Mabuti naman kung ganoon. Ang taong iyon ay talagang bumagsak na nga ang depression niya. Pinag-uusapan lamang namin ngunit nagkatotoo na." Malungkot na tinanggap ni Marga ang palad ng anak na nagmano.
Mag-umaga na ngunit dahil sa nangyari kay Garrette ay walang natulog sa kanilang lahat. Ang padre de-pamilya ay naiwan sa pagamutan at ito ang nagbantay sa pasyente. Kaya't si Shainar na ang nagbuluntaryo na sasaglit sa tahanan ng mga magulang upange ibalita ang kalagayan ng pasyente.
"Ano po ba kasi ang nangyari, Mommy? Akala ko ba ay hinahanap nila kanina si Ate Joy? Di po ba naiwan pa nga si
