TIFFANY
KUNG may isa pang labis ang tuwa sa pagdating ni Tracey Arabelle sa buhay nila, iyon ay walang iba kung hindi ang anak niyang si Catie. Simula nang umuwi sila sa bahay ay palagi itong nakabantay sa baby na labis nilang ikinatutuwa ni Arnie. Gusto nilang lumaking close ang dalawa at ipinangako nilang mag-asawa na sisikapin nilang palakihin ang mga ito na walang inggitan sa isa't isa.
"Sweetheart, papasok na ako. May gusto kang pasalubong pag-uwi ko?" Nagpapaaraw sila noon sa garden habang ito naman ay nakagayak na para pumasok sa opisina. Malambing itong humalik sa pisngi niya at pagkatapos ay sa sanggol naman na karga niya.
"Wala naman, babe. Tatawag na lang ako sa 'yo mamaya kapag may naisip ako," nakangiti niyang sabi.
"Hmmm...okay. I love you. Mamaya kapag tulog si baby u
