"PAANO mo ipaliliwanag 'yung mga messages sa 'yo ni Dennise noong nasa Cebu tayo?" tanong niya dahil hindi pa rin siya kumbinsido.
"Iyan din ang ikinagalit ko sa kanya, sweetie. Sa maniwala ka at sa hindi, walang katotohanan 'yung mga messages niyang 'yon. Nang sinabi sa akin ni Joy ang lahat noong mismong araw ng pag-alis mo at hindi kita naabutan, pinuntahan ko si Dennise. Tinanong ko siya kung bakit ganoon ang text niya sa akin kahit alam naman niya na hindi kami magkasama sa Palawan. Doon ay umamin siya, inamin niya na alam niyang susunod ako sa 'yo sa Cebu kaya nag-text siya ng ganoon. Baka raw sakaling mabasa mo. Para magalit ka sa akin, sweetheart. Can't you see? Desperada si Dennise at handang gawin ang lahat."
"H-hindi kayo magkasama sa Palawan? I thought---"
"Hindi talaga, sw
