TIFFANY
ALAS siyete pa lamang kinabukasan ay gising na siya. Sa labas ay mukhang maaliwalas na ang langit at wala na ring bakas na uulan pang muli. Dali-dali siyang bumangon para lamang matigilan nang makitang sa sofa ay tulog na tulog pa rin si Arnie. Bahagya siyang nakaramdam ng habag sa binata nang mapansin niyang halos nakabaluktot ito roon, dahil hindi naman kahabaan ang sofa samantalang mataas ang binata. Bumaba siya sa kama at dahan-dahang nilapitan ito at pinagmasdan. Napangiti siya nang matitigan ang mukha nitong kay amo lalo kapag natutulog. Bigla ang pagsirit muli ng alaala sa kanyang isipan. Naalala na naman niya noong mga panahong may pagkakataon siya para ito ang una niyang makita tuwing umaga pagka-gising niya. Tititigan niya ito pero magugulat pa siya dahil ang totoo'y gis
