NAKAYUKO siya kaya hindi niya nakitang lumayo ito at pagbalik ay may dala ng pagkain para sa kanya.
"Here, baka nagugutom ka na. Para malamnan naman ang tiyan mo kahit iyan lang." Inilapag nito sa harap niya ang cup noodles at biscuit na dala. Nag-angat siya ng tingin dito para magpasalamat. Oo nga at may hindi magandang ginawa ito sa kanya pero may manners naman siya para magpasalamat sa gumagawa sa kanya ng mabuti.
"Thank you."
"Sige na, kumain ka na. Careful, ha? Mainit 'yan." anito pero hindi pa rin umaalis sa tabi niya.
"Ikaw?" nahihiya niyang sabi. Sa kabila kasi ng kasungitan niya ay nagawa pa siya nitong pakainin.
"Hindi naman ako nagugutom. Dito lang ako, hahawakan ko 'tong flashlight para makita mo 'yang kinakain mo." Madilim na nga naman sa paligid at kung wala itong da
