DAHIL may palatandaan naman na sinabi si Zach, hindi siya nahirapang hanapin ang lugar. Ayon dito ay may karatulang TMA Cafe ang pupuntahan niya at tama ito, mismong sa harapan iyon ng Makati Medical Center nakapwesto. Umibis siya ng kotse pero nanatiling nakatayo sa gilid niyon. Bahagya siyang kinabahan pero pinilit niyang iwaglit ang kabang iyon dahil hindi naman siguro siya papupuntahin ni Zach dito ng mag-isa kung hindi siya safe rito. Pagkatapos ng ilang buntung hiningang ginawa niya, inumpisahan niyang ihakbang ang mga paa. Pagtapat sa glass door niyon ay marahan niya iyong itinulak para lamang mapatda nang makita kung sino ang nasa loob. Tulala siyang napatitig dito at hindi malaman kung tutuloy pang pumasok o ano.
"Pwede ka namang pumasok, Miss Tiffany," ani Arnie na napakapormal
