Maria's POV
Nagising ako sa mahihinang tapik. Nang imulat ko ang mga mata ko ay bumungad sakin si Roberta. Inilinga ko ang mga mata ko sa paligid ngunit wala na si ate at ang anak niya. Kahit may kabigatan ang tiyan ko ay mabilis akong bumangon at lumabas ng sasakyan.
Hinanap muli ng mga mata ko sina ate pero hindi ko talaga sila mamataan. Nilingon ko si Roberta at nilapitan. Hinawakan ko ang dalawa niyang kamay at nakikiusap ang mga mata na tumitig sa kaniya.
“Sabihin mo, nasaan sina ate?” Pakiusap kong tanong.
Siya nalang ang kakampi ko ngayon kaya hindi pwedeng mawala sa tabi ko si ate. Siya lang ang alam kong makakaintindi sa sitwasyon ko dahil parehas kami ng pinagdadaanan sa mga kamay ni mommy.
Binawi ni Roberta ang mga kamay niya mula sakin na ikinagulat ko. Umiling siya at nag
