Binigyan mo ako ng panibagong pag-asa at lakas para ipagpatuloy ang malungkot kong buhay. Binago mo ang pananaw ko sa buhay na ang tingin ko dati'y wala nang kwenta. Ipinaramdam mo sakin na may halaga ako at may karapatang mahalin at magmahal. Ikaw lang ang nagparamdam sakin ng mga bagay na hindi ko akalaing mararamdaman ko pa. Ikaw ang dahilan ng unti-unti kong pagbabago. Mula sa mahina at iyakin na ako noon ay naging matatag ako. Mga panahong pakiramdam ko ay malulugmok na ako ay nariyan ka at inalalayan ako. Ikaw lang yung taong nasa tabi ko at handang makinig sa lahat ng drama ko sa buhay. Ngayong wala kana, ano pang silbi ko sa mundong ito?
Nagising ako sa maingay na alarm clock ko. Pupungas-pungas akong bumangon mula sa pagkakahiga at pikit ang matang naupo muna sa ibabaw ng kama ko
