Kabanata 12
Pabalik na ako sa loob ng bahay. Nagwalis na lang kasi ako sa labas para siguradong hindi ko makikitang hubad ang kambal. Ako na ang nag-adjust dahil mukhang wala sila pakialam kahit pa makita ko silang walang kahit na anong saplot sa katawan.
Pagkapasok ko ay mukhang tapos na silang maligo pero hindi pa nagbibihis, pero hindi na ako nag-abalang i-remind pa sila dahil hindi ko na responsibilidad ‘yon. Bahala na sila kung sa unang araw pa lang ay bad shot na sila sa mga trabahador ng hacienda.
Maya-maya pa ay may narinig na akong kumatok sa pinto kasunod ng pag-alingawngaw ng boses ni Mang Ernesto, “Tao po…”
Mabilis akong nagtungo sa may pintuan para pagbuksan siya. “Good morning po,” nakangiting bati ko sa kanya. Nakasuot siya ng balanggot at lumang pulang sweater na ipina
