Kabanata 13
Pilit kong itinago ang simangot ko habang sinusundang maglakad si Mang Ernesto habang nasa likod naman namin ang demonyong kambal. Bitbit ko ang isang basket na may laman ng mga sangkap ng lulutuin kong ulam para sa dalawa mamaya. Ilalagay ko na lang sa ref nila Mang Ernesto para hindi masira ang karne.
“Sigurado ka bang hindi na natin sila pagbibihisin, ‘neng?” mahinang tanong sa akin ni Mang Ernesto sabay silip sa dalawa na parang dadalo sa JS Prom. “Mukhang mamahalin pa naman ang mga damit nila.”
“Hindi rin po sila makikinig, manong. Tayo pa ang magiging masama kapag nagsalita tayo, kaya hayaan na lang,” sagot ko sa kanya at pilit na ngumiti dahil naiinis pa rin talaga ako. Ang dami ko pang kailangang gawin sa bahay. Ang dami ko pang kailangang ayusin at linisin pero ‘di
