Kabanata 56
“Hindi na lang po ako sasama sa factory,” sabi ko sa kambal habang kumakain kami ng hapunan. Ikatlong araw ngayon ng pagtatrabaho nila sa factory at tatlong araw na rin akong walang ginagawa at nakatunganga lang habang naghihintay sa kanila sa waiting area. “Wala rin naman po kasi akong gagawin doon,” paglalahad ko. Pansin ko ang mga tingin nila sa akin. Marahil ay hindi nila inaasahang sasabihin ko ‘yon.
“Then I’ll tell Hugo to give you something to do,” mabilis na tugon ni Hayden.
Umiling ako sa sinabi niya. “Matagal ko na po itong pinag-isipan; ilang araw na. At tingin ko’y makakabuti rin po na dito lang ako sa bahay para maasikaso ko po ang mga gawain ko at regular na makapaglinis, dahil ‘yon naman po ang trabaho ko,” paliwanag ko sa kanila.
“No. I’ll find a way para ma
