Kabanata 57
“Are you done?” tanong sa akin ni Hayden habang kinakatok niya ako sa pinto ng banyo. “Laleng?”
Napapikit na lang ako sa kakulitan niya. Ilang beses na siyang pabalik-balik sa banyo para itanong ‘yon sa akin. Kakapasok ko pa nga lang ay nagtanong na siya kung tapos na ba akong maligo. Anong tingin niya sa akin, isang buhusan lang ay okay na?
“Malapit na po,” sagot ko sa kanya habang pinupunasan ang sarili ko. Medyo matagal akong natapos maligo ngayon dahil sinigurado kong nakuskos ko lahat ng dumi sa katawan ko.
“Good,” aniya bago ko narinig ang hakbang niya palayo sa banyo.
Napailing na lang ako. Ganoon ba talaga siya ka-excited na lumabas kami? Ngayong araw kasi ang napag-usapang ‘date’ namin. Linggo ngayon at walang trabaho sa factory kaya sinamantala na ni Hayden ang
