Kabanata 17
“No, I don’t want to go!” pagmamatigas ni Hayden nang dumating sina Manang Helen at Mang Bert para sunduin siya at dalhin sa bayan para patingnan sa mga doktor ang mga pilay niya. “You can’t bring me there.”
“Senyorito, alam na ng mga magulang n’yo ang tungkol sa kalagayan n’yo. Ang mommy n’yo mismo ang nagsabi na dalhin kayo sa ospital,” kalmadong paliwanag ni Manang Helen. “Kapag nagmatigas daw kayo ay dadagdagan niya ang panahon ng pamamalagi n’yo rito.”
“What?!”
“Senyorito, mas mainam din po na mga eksperto ang tumingin sa inyo para mas mapadali ang pag-recover ninyo,” sabat ko na sa usapan, dahil gusto ko ring wala siya rito dahil ayoko nang alagaan pa siya at maranasang muli ang mga naranasan ko.
“You just want to get rid of me,” matigas niyang sabi at pinaningkitan
