Kabanata 81
“Lalaine…” Napakurap ako nang marahang sundutin ni Caden ang pisngi ko. Tumingin ako sa kanya at sinalubong niya ako ng natatawa niyang ekspresyon. “You’re spacing out again. Kanina pa kita tinatawag.”
“H-Ha? Sorry…” sabi ko na lang sa kanya at pilit na ngumiti.
Nasa kwarto niya kami ngayon. Gusto niya akong dito matulog dahil isang linggo na raw kaming walang maayos na oras sa isa’t isa. Naging abala kasi siya sa pag-aasikaso sa mga bisita nila ni Hayden. Kung saan-saang parte sila ng hacienda pumunta. Gusto pa nga niyang sumama ako sa kanila, pero ako na ang tumanggi.
Tumatak sa akin ang sinabi ni Arissa. Hinding-hindi ako magiging parte ng mundo ni Caden kahit pa ipagsiksikan ko ang sarili ko. Iyon din ang rason kung bakit umiiwas ako sa kanya, dahil sa tuwing nagkakal
