Kabanata 80
Tuluyan na akong nawalan ng pag-asa na ipakilala ni Caden sa mga kasamahan niya. Tapos na silang kumain at pumasok na sa mansyon para magpahinga, at heto kaming mga kasambahay—naglilinis ng mga pinagkainan nila. Hindi ko mapigilang magdabog habang nililigpit ang mga plato. Pansin ko ang tingin sa akin nina Felice at Sarah, pero hinayaan lang nila ako. Tingin ko’y naiintindihan nila kung saan ako nanggagaling.
“Lalaine, kami na rito ni Felice. Pumasok ka na at samahan mo na lang si Manang Helen na asikasuhin ang mga bisita,” sambit sa akin ni Sarah. Hindi ko alam kung anong intensyon niya, pero umiling lang ako sa kanya.
“Dito lang ako, Sarah. Mas gusto ko pa rito,” malamig kong tugon bago huminga nang malalim. Ayoko nang ganito. Ayokng naapektuhan ng personal kong problema a
