Kabanata 19
Tahimik ang malamig na gabi. Tanging ang huni ng mga kuliglig at sipol ng hangin lang ang aking naririnig. Hindi ko alam kung bakit tila hindi ako makatulog. May kung anong pumipigil sa mga mata kong pumikit. Ilang beses na akong nagpapapalit-palit ng posisyon pero wala talaga. Gising na gising ang diwa ko. Hindi ko nga mapigilang magtaka lalo na’t kani-kanina lang ay labis-labis na antok at pagod ang nararamdaman ko.
Huminga ako nang malalim at inis na napabuga ng hangin sabay takip ng unan sa mukha ko. Kailangan ko nang makatulog dahil maaga pa ako bukas. Marami pa akong kailangang gawin. Kailangan ko pang magluto ng umagahan ni Caden, maghanda ng para sa pananghalian niya, sumama sa kanya sa taniman, at kung ano-ano pa.
Marahas akong napabuga ng hangin bago bumangon at na
