Kabanata 20
Papunta na kami ngayon kina Mang Ernesto. Dala-dala ko ang isang basket na may lamang mga sangkap para sa lulutuin kong pananghalian ni Caden mamaya. Ayaw pa rin niya talagang makisalo sa mga trabahador. Hindi ko na rin siya pinilit pa dahil wala naman ako sa posisyon na gawin ‘yon. At isa pa, kung gusto niya talagang makisalo at makihalubilo sa mga trabahador ng hacienda ay ‘di na siya kailangang pagsabihan pa.
“Damn these clothes…” angal niya habang pilit na inaayos ang sweatshirt at jogging pants na suot niya na ibinigay sa kanya ni Mang Ernesto para daw ‘di masunog ang balat niya sa trabaho at ‘di siya gaanong mangati. “Fúcking ugly clothes!”
Hindi ko na lang pinansin ang mga reklamo niya dahil mahahawa lang ako sa sama ng ugali niya. Masyadong maganda ang panahon para
