Pinilit kong ipinapa-intindi kay Aivan kung ano ba ang nararapat niyang gawin. Nakikinig naman siya sa mga sinasabi ko habang nagsasalita ako, pero ipinagpipilitan niya rin naman sa akin na hindi naman daw siya ang tunay na Ama ng bata, eh inamin na nga niya sa akin kani-kanina lang na ex-girlfriend niya pala ang babaeng nagdadalang tao ngayon, Stacey ang pangalan at nasa Amerika. Iyon ang dahilan kung bakit napauwi pala sa Pilipinas si Aivan— para lang matakasan niya ang responsibilidad niya.
"Tulad nga ng sinabi mo sa akin... Walang ibang naging ex-boyfriend si Stacey maliban sa'yo. Ano naman sa tingin mo ang dahilan kung paanong hindi ikaw ang Ama ng dinadala ni Stacey?" Maang na tanong ko sa kanya.
Napayuko naman siya at hindi nakasagot sa sinabi ko.
"May nangyari sa inyo?" Tanong k
