Naramdaman ko ang pagsakit ng ulo ko nang imulat ko ang mga mata ko. Inilubot ko ang paningin ko sa kung nasaan man ako ngayon. Naramdaman ko na tila may mabigat na nakapatong sa tiyan ko at nang balingan ko kung sino ang nakayakap ay si Aivan pala.
Naririnig ko pa ang mahihinang paghilik niya sa tabi ko at nang maramdaman niya na gising na ako ay agad siyang bumangon.
"Sa wakas, gising ka na." Malumanay na sabi niya sa akin, "Anong nararamdaman mo? May masakit ba sa'yo? Kamusta ka?"
Naalala ko na dapat ay wala ako sa kwartong ito— dapat ay naroon ako sa kwarto ni Mama at alam kong kailangan niya ako ngayon.
"S—Si Mama?"
Huminga naman ng malalim si Aivan at napansin ko pa ang pag-iwas ng tingin niya sanakin na tila mayroong ayaw na sabihin, "Magpahinga ka na muna... Tatlong oras ka ri
