Pasado alas-dos ng hapon ay natapos na rin ang huling subject ko. Hindi na kami nagsabay na umuwi ni Liz dahil manunod pa raw siya sa basketball game ni Zach.
Sa makalipas na dalawang araw ay okay naman ang naging mga araw ko. Balik sa normal ang lahat. Hindi naman ako pinabayaan ng kaibigan ko, lagi naman siyang nasa tabi ko at handang makinig sa mga problema ko.
Gusto kong isipin kung saan nga ba ako nagkamali? Saan nga ba ako nagkulang? Pero wala eh. Kahit na anong isip ko ay wala naman akong mahanap na mali at pagkukulang. Matibay ang paniniwala ko na wala akong nagawang mali at kahit na anong pagkukulang, iyon ang nakatatak sa isipan ko, para naman makabangon ulit ako. Para naman maipagpatuloy ko ang pangarap ko. Gusto kong lumaban sa buhay, kailangan kong gamitin ang utak ko para m
