• RYLAN POV •
TATLONG ARAW na ang nakalipas mula ng dumating kami sa pilipinas. Ngayon ang libing ng Mama ni Jessica. Sa tatlong araw na binurol ang Mama niya ay hindi siya umalis sa tabi nito. Kahit ang mag asikaso ng mga bisita ay siya din ang gumagawa. Hindi naman namin siya masaway dahil kapag wala raw siyang ginawa at nakaupo lang sa gilid habang tinitignan ang kabaong ng Mama niya ay baka umiyak lang siya ng umiyak. Tinutulungan na lang namin siya. Kapag nandito lahat ng kaibigan namin at mga pinsan ko doon lang siya napipirme sa tabi namin. Laking tulong nila dahil kahit paano ay napapatawa nila si Jessica sa mga kakulitan nila. Kahit si Red ay araw-araw rin siya nagpupunta dito. Hanggang ngayon ay hindi pa rin niya nahahanap si Ziane.
“Hon, uminom kana ba ng vitamins mo?” Tan
