• JESSICA POV •
NATAPOS ang masayang gabi namin na kasama ang buong pamilya at mga malalapit naming mga kaibigan. Nakakatuwa silang pagmasdan lahat, excited sila sa kasal namin lalo na sa paglabas ng baby namin. Unang apo kasi ng pamilya ang magiging anak namin. Nakakatuwa lang dahil nasa tiyan ko pa lang ay ang dami na nilang gustong bilhin at mga plano ng kung ano-ano. Para yatang bigla akong na pressure sa kanila.
“Anong iniisip mo?” Tanong bigla sa akin ni Rylan. Nagdi-drive sa habang nakatingin ako sa kawalan.
“Wala lang, iniisip ko lang yung mga bilin nila sa akin. Nakaka pressure e,” sabi ko sa kanya.
“Ano kaba! Excited lang ang mga iyon. Wag mong isipin kasi baka makasama sa kalusugan mo yan. Teka, nakapag pa check-up kana ba? May mga iniinom ka bang vitamins?” Tanong nito.
