“ANNIE? Annie Salcedo, ikaw nga ba ‘yan?”
Napalingon ako sa tumawag sa aking pangalan. Nasa department store ako sa babies’ section at bumibili ng damit at laruan para kay Caroline. Agad akong napangiti nang makilala ang dati kong boss na si Ma’am Georgia.
“Ma’am Georgia? Hi, kumusta kayo, Ma’am?”
“Heto, okay naman.” Nakita niya ang laman ng cart ko. “Oh, para sa baby mo ang mga ‘yan, tama ba ako?”
I smiled. “Yes, Ma’am, para sa baby ko nga.”
“I’m glad to see you, Annie. Halatang masaya ka sa buhay mo ngayon. Masarap ang may anak, hindi ba?”
“Super. Hindi ko ma-explain ang feeling. Though hindi ko siya kasama dahil iniwan ko po siya sa parents ko para makapagtrabaho ako rito.”
“Oo nga pala! Bakit hindi ka na bumalik sa Mindful Concepts? Hindi ba, nagreply ako sa ipinadala mong resi
