KANINA pa ako gising pero, wala pa akong planong bumangon at tumayo. Sinilip ko ang oras at nakita kong alas sais pasado na ang umaga. Pinakiramdaman ko ang pagbaba ni Annie sa hagdan pero, mukhang natutulog pa ito. Hindi ko alam kung napuyat ba siya. Tahimik lang naman akong natulog dito sa kaniyang living room matapos niya akong patuluyin kagabi.
Pasimple akong tumagilid sa pagkakahiga. Medyo nakakangawit ang pwesto ko dahil lampasan ang mga paa ko sofa. Ibinaon ko ang gilid ng mukha ko sa malambot at mabangong unan ni Annie. Kung hita niya itong inuunanan ko, siguradong hindi na ako aalis sa pagkakahiga.
Ilang minuto pa ang lumipas at nakadinig ako ng magagaang yabag sa hagdan. Pumikit ako at niyakap ang kumot na hindi ko naman nagamit. Naramdaman ko ang pagdaan ng nilalang sa bandan
