“THANK you so much, Mr. Velasco! On behalf of The Idea House, we are so pleased to have you as our client!” nakangiting wika ko at iniabot ang kamay kay Mr. Velasco - ang Director for Marketing ng isang malaking kompaniya ng pagkain.
Tinanggap ni Mr. Velasco ang kamay ko at bahagyang pinisil.
“The pleasure is mine, Miss Salcedo. I am looking forward to our next meeting.”
Hindi ko na binigyan ng pansin ang ginawi niya. Magalang kong binawi ang palad ko sabay tango rito. Umalis ako sa opisina bandang alas tres ng hapon kanina para sa meeting ko rito pero, naghintay pa ako sa kaniya ng may isang oras.
Matagal ang naging pag-uusap namin. Nahaluan kasi ng mga personal na bagay ang aming meeting. Nalaman ko na biyudo na si Mr. Velasco sa edad na fifty-seven. May dalawang anak at na pareho
