NATAPOS na ang interview sa mga aplikante ng agency sa hapon na iyon. Nanghingi ako ng kape kay Bella bago lumabas ng meeting room at bumalik sa aking opisina.
Inilapag ko sa aking mesa ang mga dokumento ng dalawang aplikante. Nagbuga ako ng hangin at saka hinilot ang magkabila kong sentido.
I removed my jacket. Naramdaman ko ang pagbukas ng pinto ng office ko. Isinampay ko ang jacket sa sandalan ng swivel chair at hinarap ang inaakala ko na si Bella dala ang hiningi kong kape.
Naestatwa ako sa aking pagkakatayo. I found Jeff walking towards my desk, and in his hands was a cup of coffee. Paglapit sa mesa ko ay inilapag niya ang tasa sa aking harapan.
“May iniutos ako kay Bella kaya ako na ang nagdala ng kape mo,” wika niya.
Abot-abot na naman ang kaba ng dibdib ko sa pagdating ni
